Правно

Услови за купување

Последна измена: 31 октомври 2026

Овие услови важат за секоја нарачка преку beman.mk. Со испраќање нарачка се согласуваш со нив.

1. Кои сме ние

beman.mk е онлајн продавницата на BM Macedonia, македонски бренд за машки нараквици. За сè што се однесува на нарачките, контактирај нè:

Избери сет, боја и, ако сакаш, луксузна кутија, и додај ги во кошничката.
Внеси име, телефон, адреса и град. Е-поштата е опционална.
Добиваш број на нарачката (на пр. BM-0111001) на екранот, а ако си оставил е-пошта, и по е-пошта.
Нарачката ја потврдуваме само преку телефонот што си го внел: ти праќаме SMS (доволно е да одговориш „ДА“), а ако не одговориш, ти се јавуваме. Нарачката се праќа откако ќе ја потврдиш.

Ако не можеме да те добиеме на телефон или ако производот го нема на залиха, нарачката не се испраќа. Не плаќаш ништо.

Сите цени се во денари (МКД). Цената што ја гледаш е цената што ја плаќаш за производот; нема скриени трошоци.
Важи цената прикажана на сајтот во моментот на нарачката.
Доставата чини 190 ден. За нарачки од 1.800 ден. (сметано по попустот) доставата е бесплатна.
Луксузната кутија е по желба, +300 ден. по сет. Можеш да избереш кутија за секој сет посебно. За време на акција кутијата го добива истиот попуст како сетот.

За време на акција (на пр. Black Friday) попустот зависи од бројот на сетови во нарачката. Условите и датумите се прикажани на сајтот и важат до крајот на акцијата.
Код за попуст се внесува во кошничката. Важи еден код по нарачка, до датумот или бројот на користења што се наведени за кодот. Ако не пишува поинаку, кодот не важи заедно со акција.
Попустот не се исплаќа во пари.

Плаќаш при достава, во готово: му плаќаш на курирот кога ќе ја примиш пратката. Однапред не плаќаш ништо.

Доставуваме низ цела Северна Македонија преку курирската служба ELS.
Рокот е 1–3 работни дена од потврдата на нарачката: во Скопје истиот или следниот ден, низ Македонија 2–3 работни дена. Во празници и при големи акции може да трае подолго; во тој случај ќе те известиме.
Ако курирот не те најде на адресата, ќе те контактира за нов термин.
Статусот на нарачката можеш да го провериш на сајтот, под „Каде е мојата нарачка?“ (/narachka), со бројот на нарачката и телефонот. Ако го оставиш означено „Следи ја нарачката во живо“, те известуваме по SMS и е-пошта кога нарачката е потврдена, испратена и доставена.

Ако означиш „Ова е подарок“, во пакетот не ставаме цена. Пратката стига кај тебе, ја плаќаш при достава и ти му го подаруваш.

Ако по отворањето производот е оштетен или не е тоа што си го нарачал, јави ни се во рок од 48 часа од доставата, со бројот на нарачката и фотографии од производот и пакувањето.
Производот мора да е некористен, во оригиналното пакување, со сите алки.
Откако ќе го прегледаме производот, ти праќаме ист нов производ (или друг по договор). Ако грешката е наша, доставата ја плаќаме ние.
Не важи за: оштетување од носење, вода или несреќа, погрешно избрана боја или големина, и пријави по 48 часа.

Како ги користиме твоите податоци пишува во Политиката за приватност.

Ако нешто не е во ред, пиши ни или јави се. Секој случај го решаваме директно и фер.